खै कहा छ शान्ति यहाँ

“खै कहा छ शान्ति यहाँ”

                        आचार्य चन्द्र

आज त्यो मन्दिर शून्य भएछ

सडकहरु आन्दोलनकारीको सदरमूकाम बनेछ

बजारहरु मानवीय बधशालामा परिणत भएछ

अझै भनौ त,

मेरी आमाको चेहरा आँशुनै आँशुले भरीएछ ।

अहो!

ति मानवीय मस्तिष्कहरु

हिंसा र अपराधको संयन्त्र भएछ

राष्ट्रका पहरेदारहरु

बलत्कारीको नाईके भएछ

न्यायलयका पूस्तकहरु

भ्रटचारको मार्गदर्शक बनेछ

अनि राष्ट्रका लागि मरिमेट्नेहरु

आर्यघाटमा जलिरहेछ ।

उता!

संसद भवनमा लडाई चलिरहेछ

संविधान बनाउने होडवाजीमा

राष्ट्रिय सम्पतिको दुरुपयोग भैरहेछ

देशका नेता भनौदाहरु

डिस्को र दोहोरीका नग्न चरित्रहरु

डाईना र लोपेज सँग मोज गरिरहेछ

त्यसैले त आज यहाँ

शान्ति र शुसासनको बलत्कार भैरहेछ ।

खै कहाँ छ शान्ति यहाँ

मानवले मानवकै हत्या गरिरहेछ

घुसखोरी र भ्रष्टचार दिनप्रतिदिन मौलाईरहेछ

सडक र बजारहरुमा यहाँ

फेरी आन्दोलन सुरु भैरहेछ

अझै भनौ त,

बिहान आमा आमा भन्दै हिडेको छोरो

बेलुका आर्यघाटमा जलिरहेछ ।

त्यसैले त,

आज त्यो मन्दिर शून्य भएछ

सडक र बजारहरुमा

आन्दोलन चर्किरहेछ

अनि क्रातिकारी छोरो आमाको चित्कारसँगै

चितामा जलिरहेछ,

अझै भनौ त

मेरी नेपाल आमा शान्ति शान्ति भन्दै

मृत्यु सँग लडिरहेछ,

अझै भनौ त

मेरी नेपाल आमा शान्ति शान्ति भन्दै

मृत्यु सँग लडिरहेछ ।।

समाप्त